Act 15 | Ndebele | STEP | Kwasekusehla abathile bevela eJudiya , bafundisa abazalwane ukuthi: Nxa lingasokwanga ngokwesiko likaMozisi, lingesindiswe .

1 Kwasekusehla abathile bevela eJudiya ^a, bafundisa abazalwane ^b ukuthi: Nxa lingasokwanga ^c ngokwesiko likaMozisi, lingesindiswe ^d. 2 Ngakho kwathi sekulokuphambana lokuphikisana okungekuncinyane ngoPawuli loBarnabasi bemelane labo ^e, bamisa ukuthi uPawuli loBarnabasi ^f labanye abathile kubo benyukele kubaphostoli labadala ^g eJerusalema ^h, ngaloludaba. 3 Ngakho, kwathi sebephelekezelwe libandla ⁱ, badabula iFenekiya ^j leSamariya ^k, balandisa ngokuphenduka kwabezizwe ^l; benzela bonke abazalwane intokozo enkulu ^m. 4 Kwathi sebefikile eJerusalema, bemukelwa libandla labaphostoli ⁿ labadala ^o, njalo balandisa ukuthi zingakanani izinto uNkulunkulu ayezenze labo ^p. 5 Kodwa kwasukuma abanye abakholwayo abangabehlelo labaFarisi, besithi: Kufanele ukubasoka, lokubalaya bagcine umlayo kaMozisi ^q.

6 Kwasekubuthana abaphostoli labadala ndawonye ukuze baluhlole loludaba ^r. 7 Kwathi sebephikisene kakhulu ^s, uPetro wasukuma wathi kubo: Madoda bazalwane, lina liyazi ukuthi ensukwini zakuqala uNkulunkulu wakhetha phakathi kwethu, ukuthi ngomlomo wami abezizwe balizwe ilizwi levangeli, bakholwe ^t. 8 Njalo uNkulunkulu umazi wenhliziyo ^u wabafakazela ^v, ebanika uMoya oyiNgcwele ^w, lanjengathi ^x; 9 futhi kehlukanisanga phakathi kwethu labo ^y, ehlambulula inhliziyo zabo ^z ngokholo ^aa. 10 Pho-ke limlingelani uNkulunkulu ^ab, ngokubeka ijogwe entanyeni yabafundi, obaba bethu kanye lathi esingabanga lamandla okulithwala ^ac? 11 Kodwa sikholwa ukuthi sisindiswa ngomusa weNkosi uJesu Kristu, ngandlelanye labo ^ad. 12 Ixuku lonke laselithula; laselisizwa uBarnabasi loPawuli belandisa ukuthi ^ae zingakanani izibonakaliso lezimangaliso ^af uNkulunkulu ayezenze ngabo phakathi kwabezizwe ^ag. 13 Kwathi bona sebeqedile ukukhuluma, uJakobe waphendula wathi: Madoda bazalwane, ngilalelani ^ah: 14 USimeyoni ^ai uselandisile ukuthi uNkulunkulu wahambela njani abezizwe ekuqaleni ukuze azuzele ibizo lakhe abantu kubo ^aj. 15 Njalo amazwi abaprofethi ^ak ayavumelana lalokhu, njengoba kulotshiwe ukuthi: 16 Emva kwalezizinto ngizabuya, ngilakhe futhi ithabhanekele likaDavida eliwileyo; njalo ngizakwakha okudilikileyo kwalo, njalo ngilimise; 17 ukuze abaseleyo babantu bayidinge iNkosi, labezizwe bonke ibizo lami elibizwa phezu kwabo, itsho iNkosi eyenza lezizinto zonke ^al. 18 Kwaziwa kuNkulunkulu imisebenzi yonke yakhe kusukela ephakadeni ^am. 19 Ngakho mina ngiquma ukuthi ^an singabakhathazi labo kwabezizwe abaphendukela kuNkulunkulu ^ao; 20 kodwa sibabhalele ukuthi bazile amanyala ezithombe ^ap, lokufeba ^aq, lokukhanyiweyo ^ar, legazi ^as. 21 Ngoba uMozisi ulabo kusukela ezizukulwaneni zendulo abamtshumayelayo umuzi ngomuzi, efundwa emasinagogeni isabatha ngesabatha ^at.

22 Kwasekubonakala kukuhle kubaphostoli lakubadala ^au kanye lebandla lonke, ukuthuma amadoda akhethiweyo phakathi kwabo eAntiyoki loPawuli loBarnabasi ^av; babe ngoJudasi othiwa futhi nguBarsaba ^aw, loSilasi ^ax, amadoda angabakhokheli ^ay phakathi kwabazalwane ^az, 23 basebebhala lokhu ngesandla sabo ukuthi: Abaphostoli labadala ^ba labazalwane ^bb kubazalwane ^bc abangabezizwe eAntiyoki ^bd leSiriya ^be leKilikhiya ^bf, bayabingelela ^bg; 24 njengoba sizwile ukuthi abathile abaphume kithi balikhathazile ngamazwi, bedunga imiphefumulo yenu, besithi lisokwe lilonde umthetho, bona esingabalayanga ^bh; 25 kwabonakala kukuhle kithi singqondonye, ukuthi siwakhethe amadoda siwathume kini, kanye labathandekayo bethu uBarnabasi loPawuli ^bi, 26 abantu abanikele impilo yabo ngenxa yebizo leNkosi yethu uJesu Kristu ^bj. 27 Ngakho sithumile uJudasi loSilasi ^bk, abazakuthi labo ngelizwi lomlomo ^{▼▼ ngomlomo: Gr. ngelizwi.} balitshele izinto ezifananayo. 28 Ngoba kwabonakala kukuhle kuMoya oNgcwele, lakithi, ukuthi singalethesi umthwalo omkhulu, ngaphandle kwalezizinto ezifunekayo ^bm: 29 Ukuthi lizile okuhlatshelwe izithombe ^bn, legazi ^bo, lokukhanyiweyo, lokufeba; lezizinto nxa lizazizila, lizabe lenze kuhle. Salani kuhle ^bp.

30 Ngakho sebebakhululile beza eAntiyoki ^bq; futhi sebelihlanganisile ixuku, balinika incwadi. 31 Kwathi sebefundile, bathokoza ngenduduzo ^{▼▼ induduzo: Gr. inkuthazo.}. 32 UJudasi kanye loSilasi ^bs, njengoba labo babengabaprofethi ^bt, balaya abazalwane ngamazwi amanengi ^bu, babaqinisa ^bv. 33 Sebehlale isikhathi, bayekelwa basuka ngokuthula kubazalwane baya kubaphostoli ^bw, 34 kodwa kwabonakala kukuhle kuSilasi ukuthi asale khona ^bx. 35 UPawuli loBarnabasi ^by basebesala eAntiyoki ^bz, befundisa betshumayela indaba ezinhle zelizwi leNkosi, kanye labanye abanengi ^ca.

Ukwehlukana kukaPawuli loBarnabasi

36 Emva kwensuku ezithile uPawuli wasesithi kuBarnabasi: Ake sibuye sihambele abazalwane bethu emizini yonke, lapho esatshumayela khona ilizwi leNkosi, sibone ukuthi bahlezi njani ^cb. 37 UBarnabasi wasehlosa ukuthatha uJohane, othiwa nguMarko, ahambe labo ^cc. 38 Kodwa uPawuli wacabanga ukuthi kufanele ukuthi bangamthathi ahambe labo lowo owabatshiya ^cd ePamfiliya, kaze aya labo emsebenzini. 39 Kwasekuvela ukuphikisana okukhulu, baze behlukana phakathi; uBarnabasi ^ce wasethatha uMarko ^cf wahamba laye ngomkhumbi, baya eKuprosi ^cg.

Uhambo lwesibili lukaPawuli

40 Kodwa uPawuli wakhetha uSilasi ^ch wasuka wahamba, esenikelwe ^ci emuseni kaNkulunkulu ngabazalwane ^cj. 41 Wasedabula iSiriya leKilikhiya ^ck, eqinisa amabandla ^cl.